Gram Panchayat Election 2025 Live updates: મતદાનમાં લગભગ 81 લાખ મતદારો પોતાના મતાધિકારનો ઉપયોગ કરશે. આ ચૂંટણીઓના પરિણામો 25 જૂનના રોજ જાહેર કરવામાં આવશે.
Gram Panchayat Election 2025 Live updates: ગુજરાત રાજ્યમાં રવિવાર (22 જૂન) ના રોજ ગ્રામ પંચાયતોની ચૂંટણી માટે મતદાન યોજાશે. રવિવારે સવારે 7 થી સાંજે 6 વાગ્યા સુધી યોજાનાર આ મતદાનમાં લગભગ 81 લાખ મતદારો પોતાના મતાધિકારનો ઉપયોગ કરશે. આ ચૂંટણીઓના પરિણામો 25 જૂનના રોજ જાહેર કરવામાં આવશે.
રવિવારે યોજાનારી આ ચૂંટણીઓમાં કેટલીક જગ્યાએ રદબાતલની જાહેરાત કરવામાં આવી છે. કડી અને વિસાવદર વિધાનસભાની પેટા ચૂંટણીઓના કારણે કડી, જોટાણા, ભેંસાણ, વિસાવદર, જૂનાગઢ ગ્રામ્ય અને બગસરા તાલુકાઓમાં ગ્રામ પંચાયત ચૂંટણીઓ રદ કરવામાં આવી છે.
ગુજરાતમાં 3656 સરપંચો માટે ચૂંટણી
ચૂંટણી પંચના ડેટા અનુસાર, કુલ 4564 ગ્રામ પંચાયતોમાંથી 751 પંચાયતો બિનહરીફ જાહેર કરવામાં આવી છે, જ્યારે 272 પંચાયતોમાં નામાંકન ન થવાને કારણે બેઠકો ખાલી રહી છે. આમ, કુલ 3541 પંચાયતોમાં સામાન્ય, વિભાગીય અને મધ્યસત્ર ચૂંટણીઓ માટે અને 353 પંચાયતોમાં પેટાચૂંટણીઓ માટે મતદાન યોજાશે. રાજ્યભરમાં કુલ 3656 સરપંચ અને 16,224 સભ્યો ચૂંટાશે.
10,479 મતદાન મથકો પર સંપૂર્ણ વ્યવસ્થા
મતદાન પ્રક્રિયા સરળ રીતે પૂર્ણ થાય તે માટે રાજ્યભરમાં 10,479 મતદાન મથકો પર વ્યવસ્થા કરવામાં આવી છે. તેમાંથી 3939 સંવેદનશીલ અને 336 અત્યંત સંવેદનશીલ કેન્દ્રો તરીકે ઓળખાયા છે. મતદારો માટે EPIC કાર્ડ ફરજિયાત રહેશે, જો કે, અપવાદરૂપ સંજોગોમાં 14 માન્ય ઓળખ દસ્તાવેજોમાંથી કોઈપણ સાથે મતદાન કરી શકાય છે.
1400 પંચાયતોનો કાર્યકાળ 30 જૂનના રોજ સમાપ્ત થશે
નોંધનીય છે કે ગુજરાતમાં 4,000થી વધુ ગ્રામ પંચાયતો છેલ્લા ત્રણ વર્ષથી વહીવટકર્તા શાસન હેઠળ છે અને અન્ય 1,400 પંચાયતોનો કાર્યકાળ 30 જૂન, 2025ના રોજ સમાપ્ત થવા જઈ રહ્યો છે. આ ચૂંટણીઓ 27 ટકા OBC, 14 ટકા ST અને 7 ટકા SC અનામત બેઠકો સાથે યોજાશે, જે ગુજરાત સરકારના ઓગસ્ટ 2023ના નિર્ણય અને ન્યાયાધીશ ઝવેરી કમિશનની ભલામણો અનુસાર છે.
રાજ્ય ચૂંટણી પંચે સ્થાનિક નેતૃત્વને પ્રોત્સાહન આપવા અને ગ્રામીણ વિકાસને વેગ આપવા માટે આ ચૂંટણીઓને સરળ અને પારદર્શક બનાવવા માટે વ્યાપક તૈયારીઓ કરી છે. નાગરિકોને ચૂંટણી પ્રક્રિયામાં સક્રિયપણે ભાગ લેવા અને આદર્શ આચારસંહિતાનું પાલન કરવા અપીલ કરવામાં આવી છે.
.jpeg)
ગુજરાતમાં ગ્રામ પંચાયત ચૂંટણી: કુલ સરેરાશ 72.57% અને 67.45% મતદાન નોંધાયું
ગુજરાત રાજ્યમાં આજે ગ્રામ પંચાયતની કુલ 3656 સરપંચ બેઠકો અને 16224 સભ્યોની બેઠકો માટે શાંતિપૂર્ણ માહોલમાં મતદાન સંપન્ન થયું. રાજ્યભરમાં ગ્રામીણ મતદારોએ લોકશાહીના આ પર્વમાં ઉત્સાહભેર ભાગ લીધો હતો, જેના પરિણામે સરપંચની બેઠકો માટે સરેરાશ 72.57 ટકા અને સભ્યોની બેઠકો માટે સરેરાશ 67.45 ટકા જેટલું નોંધપાત્ર મતદાન થયું હતું.
15:00 PM (IST) • 22 Jun 2025
વડોદરા જિલ્લાની ગ્રામ પંચાયતોમાં એકંદરે શાંતિપૂર્ણ રીતે મતદાન
વડોદરા જિલ્લાની ગ્રામ પંચાયતોમાં એકંદરે શાંતિપૂર્ણ રીતે મતદાન થયું હતું. વડોદરા જિલ્લાની પંચાયતોમાં સરપંચ માટે સરેરાશ 35.33 ટકા મતદાન થયું છે. કરચિયા ગ્રામ પંચાયતની ચૂંટણીમાં મહિલા મતદારોનો ઉત્સાહ જોવા મળી રહ્યો છે. કરચિયા પંચાયતની સરપંચ બેઠક મહિલા બક્ષીપંચ અનામત છે. કરચિયા પંચાયતમાં મનિષાબેન પ્રજાપતિ અને શીતલબેન માળી વચ્ચે જંગ જોવા મળી રહ્યો છે.
13:49 PM (IST) • 22 Jun 2025
ગાંધીનગર જિલ્લાની પંચાયતોની ચૂંટણીને સાત કલાક પૂર્ણ
ગાંધીનગર જિલ્લાની પંચાયતોની ચૂંટણીને સાત કલાક પૂર્ણ થયા છે. ગાંધીનગરના પાલજમાં શાંતિપૂર્ણ માહોલમાં પંચાયતની ચૂંટણી યોજાઈ રહી છે. પાલજ પંચાયતના 8 પૈકી 6 વોર્ડ સમરસ જાહેર થયા છે.
પાલજમાં સરપંચ પદ માટે ચાર ઉમેદવારો ચૂંટણીના જંગમાં છે.
13:44 PM (IST) • 22 Jun 2025
ધાણેટીમાં સરપંચ પદ માટે બે આહિર ઉમેદવારો ઉતર્યા મેદાનમાં
કચ્છ જિલ્લાની ગ્રામ પંચાયતોમાં શાંતિપૂર્ણ માહોલમાં મતદાન થઇ રહ્યું છે. ધાણેટી ગામની પંચાયતની ચૂંટણીને લઈ જબરદસ્ત ઉત્સાહ છે. ધાણેટીમાં સરપંચ પદ માટે બે આહિર ઉમેદવારો મેદાનમાં ઉતર્યા છે.
13:43 PM (IST) • 22 Jun 2025
સિહોરના રાજપરામાં બે કૌટુંબિક ભાઈ વચ્ચે જામ્યો ચૂંટણી જંગ
ભાવનગર જિલ્લાની 333 ગ્રામ પંચાયતની શાંતિપૂર્ણ માહોલમાં ચૂંટણી યોજાઇ રહી છે. ભાવનગર જિલ્લાની 142 ગ્રામ પંચાયત ચૂંટણી પહેલા સમરસ થઇ છે. સિહોરના રાજપરામાં બે કૌટુંબિક ભાઈ વચ્ચે ચૂંટણી જંગ જામ્યો છે. રાજપરામાં ત્રણ મતદાન મથકો મતદાન ચાલી રહ્યું છે.
વાવના ધારાસભ્ય સ્વરૂપજી ઠાકોરે પણ કર્યો મત્તાધિકારનો ઉપયોગ
બનાસકાંઠા જિલ્લામાં ગ્રામ પંચાયતોની ચૂંટણીનું શાંતિપૂર્ણ મતદાન થઈ રહ્યું છે. વાવના ધારાસભ્ય સ્વરૂપજી ઠાકોરે બીયોક ગામમાં મતદાન કર્યું છે. ધારાસભ્ય બાદ પ્રથમવાર પંચાયતની ચૂંટણીમાં મતદાન કર્યું છે.
13:40 PM (IST) • 22 Jun 2025
પોરબંદર જિલ્લામાં ગ્રામ પંચાયતોની ચૂંટણીનું આજે મતદાન
પોરબંદર જિલ્લામાં ગ્રામ પંચાયતોની ચૂંટણીનું આજે મતદાન યોજાઇ રહ્યું છે. પોરબંદરના સોઢાણા ગામે ચૂંટણીને લઈ ગ્રામજનોમાં ઉત્સાહ છે. પોરબંદર જિલ્લાની કુલ 15 ગ્રામ પંચાયતોની ચૂંટણીનું આજે મતદાન થઈ રહ્યું છે.
13:40 PM (IST) • 22 Jun 2025
કચ્છના રાપરમાં મતદાન વચ્ચે મારામારી
કચ્છના રાપરમાં મતદાન વચ્ચે મારામારી થઇ હતી. રાપરના ચિત્રોડ ગામમાં મતદાનને લઈને મારામારી થઈ હતી. રાપર પોલીસ ઘટના સ્થળે પહોંચી હતી.
12:55 PM (IST) • 22 Jun 2025
જાણો ક્યાં જિલ્લામાં કેટલું થયું મતદાન?
મહીસાગર જિલ્લામાં અત્યાર સુધી 28.68 ટકા મતદાન
લુણાવાડામાં અત્યાર સુધીમાં 30.57 ટકા મતદાન
ખાનપુર તાલુકામાં અત્યાર સુધીમાં 32.39 ટકા મતદાન
સંતરામપુર તાલુકામાં અત્યાર સુધીમાં 27.24 ટકા મતદાન
કડાણા તાલુકામાં અત્યાર સુધીમાં 27.28 ટકા મતદાન
બાલાસિનોર તાલુકામાં અત્યાર સુધીમાં 28.29 ટકા મતદાન
વીરપુર તાલુકામાં 27.46 ટકા મતદાન
પાટણ જિલ્લામાં અત્યાર સુધીમાં 30.44 ટકા મતદાન
સરસ્વતી તાલુકામાં અત્યાર સુધીમાં 31 તાલુકામાં મતદાન
પાટણ તાલુકામાં અત્યાર સુધીમાં 32.10 ટકા મતદાન
સિદ્ધપુર તાલુકામાં અત્યાર સુધીમાં 27.50 ટકા મતદાન
ચાણસ્મા તાલુકામાં અત્યાર સુધીમાં 27.80 ટકા મતદાન
હારીજ તાલુકામાં અત્યાર સુધીમાં 32.94 ટકા મતદાન
સમી તાલુકામાં અત્યાર સુધીમાં 32.76 ટકા મતદાન
શંખેશ્વર તાલુકામાં 32.43 ટકા, રાધનપુરમાં 32.95 ટકા મતદાન
સાંતલપુરમાં અત્યાર સુધીમાં30.68 ટકા મતદાન
સુરેંદ્રનગર જિલ્લામાં અત્યાર સુધીમાં 27.55 ટકા મતદાન
વઢવાણમાં અત્યાર સુધીમાં 25.40 ટકા મતદાન
લીંબડીમાં અત્યાર સુધીમાં 20.29 ટકા મતદાન
સાયલામાં અત્યાર સુધીમાં 37.99 ટકા મતદાન
ધ્રાંગધ્રામાં અત્યાર સુધીમાં 30.61 ટકા મતદાન
ચોટીલામાં અત્યાર સુધીમાં 31.49 ટકા મતદાન
થાનમાં અત્યાર સુધીમાં 25.31 ટકા મતદાન
મુળી તાલુકામાં અત્યાર સુધીમાં 31.12 ટકા મતદાન
દસાડા તાલુકામાં અત્યાર સુધીમાં 29.73 ટકા મતદાન
12:54 PM (IST) • 22 Jun 2025
વડોદરા જિલ્લાની ગ્રામ પંચાયતોની ચૂંટણીને લઈ આજે મતદાન
વડોદરા જિલ્લાની ગ્રામ પંચાયતોની ચૂંટણીને લઈ આજે મતદાન યોજાઇ રહ્યું છે. શાંતિપૂર્ણ માહોલમાં જિલ્લામાં પંચાયતોની ચૂંટણી યોજાઈ રહી છે. દશરથ ગ્રામ પંચાયતની ચૂંટણી યાદીમાં ક્ષતિઓ સામે આવી છે. અનેક મતદારોના નામ મતદાર યાદીમાંથી ગાયબ થયા થયા હતા.
ગ્રામ પંચાયતની ચૂંટણીમાં મતદાનને લઈ ચૂંટણીના પંચના સત્તાવાર આંકડા
રાજ્યમાં સરપંચો માટે અત્યાર સુધી સરેરાશ 17.8 ટકા મતદાન
ગ્રામ પંચાયત સભ્યો માટે અત્યાર સુધી સરેરાશ 13.72 ટકા મતદાન
અમદાવાદ જિલ્લામાં 43 સરપંચ માટે 20.53 ટકા મતદાન
અમદાવાદ જિલ્લામાં 145 સભ્યો માટે 17.55 ટકા મતદાન
અમરેલી જિલ્લામાં 74 સરપંચો માટે 41.97 ટકા મતદાન
અમરેલી જિલ્લામાં 437 સભ્યો માટે 20.45 ટકા મતદાન
આણંદ જિલ્લામાં 139 સરપંચ માટે 21.77 ટકા મતદાન
આણંદ જિલ્લામાં 579 સભ્યો માટે 22.26 ટકા મતદાન
અરવલ્લી જિલ્લામાં 125 સરપંચ માટે 18.66 ટકા મતદાન
અરવલ્લી જિલ્લામાં 371 સભ્યો માટે 14.75 ટકા મતદાન
બનાસકાંઠા જિલ્લામાં 298 સરપંચો માટે 25.57 ટકા મતદાન
બનાસકાંઠા જિલ્લામાં 691 સભ્યો માટે 19.70 ટકા મતદાન
ભરૂચ જિલ્લામાં 45 સરપંચો માટે 12.97 ટકા મતદાન
ભરૂચ જિલ્લામાં 273 સભ્યો માટે 11.97 ટકા મતદાન
ભાવનગર જિલ્લામાં 215 સરપંચ માટે 15.06 ટકા મતદાન
ભાવનગર જિલ્લામાં 1135 સભ્યો માટે 10.75 ટકા મતદાન
બોટાદ જિલ્લામાં 31 સરપંચો માટે 23.59 ટકા મતદાન
બોટાદ જિલ્લામાં 186 સભ્યો માટે 23.51 ટકા મતદાન
છોટાઉદેપુર જિલ્લામાં 109 સરપંચ માટે 15.19 ટકા મતદાન
છોટાઉદેપુર જિલ્લામાં 186 સભ્યો માટે 11.26 ટકા મતદાન
દ્વારકામાં 63 સરપંચો માટે 13.99 ટકા મતદાન
દ્વારકા જિલ્લામાં 321 સભ્યો માટે 17.71 ટકા મતદાન
દાહોદ જિલ્લામાં 133 સરપંચો માટે 12.41 ટકા મતદાન
દાહોદ જિલ્લામાં 1716 સભ્યો માટે 7.26 ટકા મતદાન
ગાંધીનગર જિલ્લામાં 81 સરપંચો માટે 20.40 ટકા મતદાન
ગાંધીનગર જિલ્લામાં 347 સભ્યો માટે 17.46 ટકા મતદાન
ગીર સોમનાથ જિલ્લામાં 47 સરપંચો માટે 19.36 ટકા મતદાન
ગીર સોમનાથ જિલ્લામાં 312 સભ્યો માટે 22.36 ટકા મતદાન
જામનગર જિલ્લામાં 144 સરપંચો માટે 17.93 ટકા મતદાન
જામનગર જિલ્લામાં 852 સભ્યો માટે 14.94 ટકા મતદાન
જૂનાગઢ જિલ્લામાં 59 સરપંચ માટે 24.22 ટકા મતદાન
જૂનાગઢ જિલ્લામાં 314 સભ્યો માટે 19.24 ટકા મતદાન
કચ્છ જિલ્લામાં 111 સરપંચ પદ માટે 22.68 ટકા મતદાન
કચ્છ જિલ્લામાં 606 સભ્યો માટે કુલ 17.36 ટકા મતદાન
ખેડા જિલ્લામાં 53 સરપંચ માટે અત્યાર સુધી 12.93 ટકા મતદાન
ખેડા જિલ્લામાં 248 સભ્યો માટે અત્યાર સુધી 8.07 ટકા મતદાન
12:26 PM (IST) • 22 Jun 2025
સુરત જિલ્લાની દાંડી ગ્રામ પંચાયતમાં 65 વર્ષ બાદ ચૂંટણી યોજાઈ રહી છે
સુરત જિલ્લાની દાંડી ગ્રામ પંચાયતમાં 65 વર્ષ બાદ ચૂંટણી યોજાઈ રહી છે. દાંડીમાં માત્ર સભ્યો માટે શાંતિપૂર્ણ માહોલમાં મતદાન ચાલી રહ્યું છે. દાંડી ગામમાં સભ્યો માટે 38 ઉમેદવાર મેદાને છે. દાંડી ગામમાં મોટાભાગના ખલાસીઓ જ વસે છે. 28 સભ્યોના પરિણામ બાદ ચૂંટાયેલા સભ્યોમાંથી એકને સરપંચ બનાવાશે.
જૂનાગઢ જિલ્લામાં 59 સરપંચ માટે 24.22 ટકા મતદાન
જૂનાગઢ જિલ્લામાં 59 સરપંચ માટે 24.22 ટકા મતદાન થયું છે. વંથલી તાલુકાની થાણાપીપળી ગ્રા.પં.માં શાંતિપૂર્ણ માહોલમાં મતદાન યોજાઇ રહ્યું છે. થાણાપીપળી ગ્રા.પં.માં સરપંચ પદ માટે 2 ઉમેદવાર મેદાને છે. થાણાપીપળી ગામમાં કુલ 1700 મતદારો છે.
12:24 PM (IST) • 22 Jun 2025
મહીસાગરના ભારોડી ગામમાં આઝાદી બાદ પ્રથમ વખત ચૂંટણી
મહીસાગરના ભારોડી ગામમાં આઝાદી બાદ પ્રથમ વખત ચૂંટણી યોજાઇ રહી છે. ભારોડી ગામમાં ગ્રામ પંચાયતની ચૂંટણીને લઈ જોરદાર ઉત્સાહ જોવા મળી રહ્યો છે. ભારોડી ગામમાં સરપંચ પદ માટે છ ઉમેદવાર મેદાનમાં છે. ભારોડી ગામમાં 1400 જેટલા મતદારો છે.
12:23 PM (IST) • 22 Jun 2025
ચોરડી ગામમાં સરપંચ પદ માટે 3 ઉમેદવારો વચ્ચે ચૂંટણી જંગ
રાજકોટના ગોંડલ તાલુકામાં ગ્રા.પં.ની ચૂંટણીના મતદાનને લઈ ઉત્સાહ જોવા મળી રહ્યો છે. ગોંડલ તાલુકાના ચોરડી ગામમાં સરપંચ પદ માટે 3 ઉમેદવારો વચ્ચે ચૂંટણી જંગ છે. ચોરડી ગામ રાજકોટ-જૂનાગઢ હાઈવે પર આવેલું છે